No ta un secreto cu na momento cu ex minister Otmar Oduber a bin parlamento pa ahusta e prijs di recoge desperdicio na Aruba y a subi esaki pa 25 florin, tabatin un contra atake fuerte den parlamento pa e cambio di 25 florin. Sinembargo awe minister actual Ursel Arends ta cambia e prijs mas caro y tur hende ta muis stil. Sinembargo no ta trata solamente di cambia e prijs y hacie mas caro pa comunidad di Aruba, pero ta cambia e prijs sin ahuste conforme ley. Sinembargo minister Ursell Arends no kier papiar riba e ley mes, pero ta desvia y ta duna di conoce cu a haci cambio abase di e landsverordering di serlimar y raad van toezicht y minister a dicidi pa subi prijs pa pueblo di Aruba.
A ahusta prijs di recoge desperdicio sin cu ley a pasa den parlamento
