Politica

Minister Andin Bikker a reuni cu CAFT


ORANJESTAD,Aruba

Den e proximo simanan lo bay sigui cu e proceso di Request for Expression of Interest pa un KIA nobo. Minister Bikker tabata tin un encuentro postivo cu CAFT riba e tema.
 
Den e proximo simanan Minister di Husticia mr. Andin Bikker lo bay continua cu e proceso di Request for Expression of Interest pa por yega na un KIA nobo.

E proceso a wordo inicia dor di Minister Bikker den cuadro di su esfuersonan pa yega na un Instituto Coreccional nobo pa Aruba. Esaki despues cu a constata cu e Gobierno anterior minimo desde 2014 caba tabata sa cu mester pensa pa bay traha un instituto nobo, pero no a tuma pasonan necesario pa por yega na esaki.

Minister Bikker ayera tabata tin un encuentro sumamente postivo cu CAFT riba e tema, caminda cu a duna CAFT un splicashon amplio riba e proceso di Request for Expression of Interest (REOI).

CAFT a aplaudi e hecho cu minister Bikker ta buscando un solucion den e cuadronan financiero pa purba yega na construcshon di un KIA nobo y ta compronde e necesidad pa cu esaki.

Minister Bikker a splica entre otro referente e indole di e REOI, den ki fase e proceso ta y e timeline cu ta bay sigui den e proximo lunanan.

Related posts

Parlamentario Arthur Dowers: Maneho di salubridad actual ta pa manda hende graf

EA News Author

Minister President Evelyn Wever-Croes: Gobierno ta haciendo maximo esfuerso pa stop e recorte di salario na Juli proximo

EA News Author

Minister Dangui Oduber: Nos a priminti y nos ta cumpli! Programa di Hoben Activo, Hoben Feliz ta continua e siman aki!

EA News Author

Leave a Comment