Ministerio Publico ta informa cu awe a keda deteni na Dubai e yiu di Corsou SQ. E detencion a wordo haci door di un unidad special di polis na Dubai riba peticion di Ministerio Publico di Sint Maarten.
Ta sospecha S.Q. di a duna ordo pa diferente likidacion, secuestro, tabata lidera un organisacion criminal y labamento di placa. El a comete e delitonan aki na diferente pais di Reino y den exterior.
SOSPECHOSO
Husticia tabata en busca di SQ pa un tempo caba. Mas o menos un aña pasa un team di recherche a cuminsa un investigacion contra dje. E team forma specialmente pa e investigacion ta consisti di miembronan di Cuerpo Policial di Sint Maarten, Corsou, Aruba y Recherche Samenwerkingsteam (RST). E ta bou guia di Ministerio Publico di Sint Maarten y esun di Corsou.
E coperacion intensivo internacionalmente di polisnan cu diferente cuerponan investigativo rond mundo, a conduci na detencion di e sospechoso na Dubai.
COOPEACION
Mandonan di Cuerpo Policial di Corsou, Sint Maarten, Aruba y Hulanda ta hopi agradecido pa e bunita cooperacion cu a resulta uno exitoso cuautoridadnan di Estadonan di Emiratonan Uni Arabe (VAE). Tambe mando di RST y Ministerio Publico di Sint Maarten y Corsou ta contento cu e resultado.
E unidadnan cu a traha hunto ta declara: Cu e detencion di SQ a dal un paso importante den e investigacion. Cu esaki lo logra yega na solucion di diferente caso di likidacion, logrando husticia pa e victimanan y nan famia.”
Aunke cu SQ no tabata biba na Sint Maarten of Corsou, si influencia na e islanan ey ta keda hopi. Esaki debi a su organisacion criminal grandi. Ministerio Publico di Corsou awo ta pidi su extradiccion. E ta un procedura cu por tuma algun tempo, mirando cu Reino Hulandes no tin un tratado di extradiccion cu Dubai.
Debi na e detencion di SQ na Dubai a tene razzia na diferente adres. Asina tabata listramento na adresnan na Corsou y Hulanda. E investigacion lo sigui y no por descarta mas detencion.
A aresta Curasoleño na Dubai pa likidacion
