Tourism Corporation Bonaire (TCB) a duna rekonosementu na Evangeline i Jennifer Quingley konhuntamente ku Ron i Nancy Wilsey di Merka komo embahador di Boneiru. Tur kuater wéspet a risibi feneta di oro pa nan di 20 i 22 aña di bishita na Boneiru.
“Boneiru ta atraktivo pa nos debí na su hendenan kariñoso i kontentu i e trankilidat ku tin akinan ta algu maravioso”, asina Evangeline i Jennifer Quingley a duna di konosé. Nancy i Ron den kurso di añanan a sera hopi amistat aki na Boneiru. No tabata un sorpresa na momentu ku sra. Ivy Adriaens-Lo Tam Soen a apuntá nan pa risibí nan di tres rekonosimentu, den e kaso aki nan feneta di oro pa 22 aña di bishita na Boneiru.
Helen Mercera di TCB a hasi entrega di un sertifikado i un feneta di oro na e embahadornan.
