– Presidente di Konseho Insular di Boneiru riba petishon di Partido Demokrát a yama un reunion di urgensia konforme nos reglamentu di òrdu. E reunion aki mester a tuma lugá djamars 7 di desèmber pa 19:00 di anochi. Punto di agènda ta ‘Mantenshon lei i regla pa loke ta trata desaroyonan na Chogogo Beach Resort. E reunion aki no a tuma lugá pa motibu di falta di quórùm, pero lo tuma lugá diahuebs 9 di desember 2021.
Teniendo na kuenta ku miembronan di konseho insular na último momentu a risibí un kantidat grandi di dokumentu (un map di mas di 100 página i un email di kasi 50 página), tabata imposibel pa revisá i studia nan promé ku e reunion kuminsa. Koalishon tambe tin masha hopi pregunta pero atende ku kualke topiko den konseho insular (pero sigur e topiko di Bon Gobernashon) na un manera serio i ku koutela ta bai prome ku hasi kos pura pura. Pa e motibu akí koalishon a disidí pa no forma quórùm pa e reunion por inisiá.
Na promé instante e pensamentu tabata ku lo a habri e reunion i pidi un suspenshon te ku djaweps 9 di desèmber of djaluna 13 di desèmber pasobra sin revisá i studia e dokumentunan, nunka no por hiba un debate serio i na nivel.
Debí ku koalishon no por a konta ku tur miembro na inisio di e reunion no por a konfia ku riba e punto di suspenshon akí lo a haña sosten di e partidonan di oposishon i pa e motibu akí a tuma e desishon pa no forma quórùm. Di e manera akí a logra e meta ku reunion no por a sigui te djawèps próksimo, pa asina tur miembro di konseho insular ta bon prepará manera debe ser pa e debate. Di otro banda nos ta lamenta ku e reunion no por a tuma luga ayera pa aklará e situashon di Chogogo ku ta biba den komunidat Boneriano.