BonaireFeatured

ACE Foundation ta Presentá “ACE-WOOD” un obra teatral musikal nobo

Coach Zoe Dunando Aktris Daralisha Instrukshon

ACE Foundation ta presentá ku gran orguyo un obra teatral musikal nobo titulá
“ACE-WOOD”. “ACE WOOD: A Step Closer to Hollywood” ta un proyekto ku a kuminsá aña
pasa ku muchanan di 10 pa 13 aña i ta kulmina ku un obra teatral musikal emoshonante ku lo
keda presentá dia 4 i 5 di Juli den e sala grandi di Jong Bonaire.
E proyekto akí a keda finansiá pa OLB i Prins Bernhard Cultuurfonds Caribisch Gebied.
Durante di teater musikal “ACE-WOOD”, públiko lo tin e oportunidat pa gosa di un historia ku ta
ilustrá e trayekto ku e hobennan a kana pa krese i tiki tiki realisá nan soño pa bira un artista. E
show lo resaltá e aspekto kultural di Boneiru, inkluso nos pasado di sklabitut i e futuro briante ku
nos hobennan ta spera. “ACE-WOOD” ta un paseo den tempu ku lo lagae publiko kòrda, pensa,
reflekshoná, i tambe wordu konsientisá riba diferente aspekto di bida.
E ta un obra teatral musikal pa hinter famia. Grandi i chiki lo por disfruta di etremendo show aki.
E show lo ta un ‘fundraising’ tambe: E presentashon aki ta sirbi tambe komo un ‘fundraising’
pa ACE Tweens por biaha pa Aruba i partisipá den un interkambio kultural ku e hobennan di
Gang di Arte Aruba. Na Aruba nan lo bai partisipa den un tayerr ku yama Gang di arte Dream
Dare Do kaminda nos hobennan lo bai partisipa den diferente tayer huntu ku hobennan di
Aruba i despues nan lo bai kompeti huntu. Lo bai forma gruponan ku lo konsisti di hobennan di
Aruba i Boneiru huntu. Lidernan di ACE Tweens Club tambe lo bai duna tayer na e muchanan di
Aruba.
Ensayo Intensivo: E dianan akí tin ensayonan intensivo ta tumando luga bou di guia di: Zoë
Bernardina, Damari Alonzo i Bertie Komproe. E parti musikal di e show ta na enkargo di Xechell
‘Bauco’Jacobs.
Pa mas informashon, sigui nos riba nos página di Facebook, Instagram i TikTok di ACE
Foundation Bonaire. Tur siman lo bo por mira un update kon e preparashonnan ta kana.
Nos ta invitá hinter komunidat pa bin disfrutá di un show ku no solamente ta entretené, pero
tambe ta duna un bunita mensahe di speransa i orguyo pa nos kultura i komunidat. Si bo ke
kuminsa reserva bo karchi manda un whatsapp na 790-0155

Coach Berti Komproe Dunando Guia Na Aktor Keithley ScaledCaach Jasir I Damari Guiando Grabashon Di Script ScaledCoach Berti Splikando Keithley Su Rol Scaled

Related posts

Tourism Corporation Bonaire ta anunsiá apertura di luna di kultura “Na kaminda pa Dia di Rincon”

EA News Author

Inisio di biba ku guia pa hóben na Hulanda Karibense

EA News Author

ATA a pone informacion adicional riba varios borchinan publico di precaucion relata cu covid-19

EA News Author

Leave a Comment

Whatsapp Message