E tempo ta dushi fresco cu poco solo , pero cu hopi humedad. Director Departamento Meteorologico Aruba David Barkmeyer ta duna di conoce cu no tin nada pa teme te na e momentonan aki. Actualmente tin un Ola Tropical den e parti Oost di Caribe y cu den proximo 24ora e lo pasa bay West den nos region caminda cu e ta yena un poco humedad y tambe por haya algun awacero pasahero leve y e chance chikito pa lamper cu strena den e poximo oranan.
Den e epoca di aña aki cu nos ta no ta temporada di horcan na e momentonan aki. Aruba por spera awasero, un poco lamper cu strena entre madruga y mainta. Sinembargo no ta exclui cu no por cay un awacero na e momentonan aki of mas laat den atardi. No ta trata di horcan , pero un Ola Tropical unda cu Aruba por spera awa, lamper cu strena den e proximo oranan. Tampoco ni den bisindario y tampoco mas leu no tin ningun actividad di Horcan , solamente den pasifico tin Tropical Storm Celia.