BonaireFeaturedInternacional

Akohida despues di skol Twinkle ganadó kues kultural

Kues Kultural 1

E akohida despues di skol ‘Twinkle’ a bira ganadó di e di sinku edishon di Kues Kultural ku tema patrimonio inmaterial di Boneiru.  A realisá e kues pa medio di un kooperashon entre Servisio di Kultura, Arte i Literatura, SKAL, i Grupo di Trabou di UNESCO Boneiru. SKAL a bini ku e preguntanan tokante diferente tópiko. 

Asina partisipantenan na e kues a haña pregunta tokante entre otro instrumento musikal, kustumber, festival, fiestanan folklóriko. E partisipantenan tabatin oportunidat tambe durante e evento pa siña kantika kultural. E evento a tuma lugá riba 16 i 17 di novèmber.   

Pa medio di e tipo di eventonan akí, SKAL ke siña e grupo di enfoke di mucha di akohida despues di skol tokante propio kultura. Asina SKAL ta kontribuí na formashon di un sosiedat ku ta konsiente di su propio kultura lokal. Un sosiedat den kua mucha na edat yòn kaba ta siña balorá nan propio kultura. Asina e muchanan akí despues komo adulto ta kontribuí na mantenshon di nan kultura.  

Pa SKAL e kues ta tambe un manera pa kontribuí na desaroyo di material edukativo pa akohida despues di skol i pa skol. Via e wèpsait www.patrimoniokulturalintangibelboneiru.com , SKAL a laga muchanan sera konosí ku patrimonio inmaterial di Boneiru. Mayoria pregunta di e kues a bai tokante tópikonan ku ta riba e sait akí. 

A partisipá un total di ocho organisashon ku ta ofresé akohida despues di skol na e kues: Bòks, Bon kuido, E shoco sabí,  Elephants splash education, Kolegio Kristu  Bon Wardador, Olijfje, Paraiso di muchanan kontentu, i Twinkle. Di e gruponan ku a partisipá, 4 a pasa pa final: Bon Kuido, di 3 finalista, Elephant splash education, di dos finalista, Paraiso di muchanan kontentu, promé finalista, i Twinkle, ganadó. SKAL ta gradisí e rganisashonnan di akohida despues di skol pa nan partisipashon na e kues.      

20231127 Kues Kultural 2 Scaled

Related posts

Minister Xiomara Maduro: Aruba a biba su cultura yen di ambiente cu un bunita parada cultural di dia di brazil 2023

EA News Author

Yuda nos haya Max bek

EA News Author

Hues mes a pone pa scucha Marisol Tromp pa haya sa di unda e ta saca tur e fantasianan cu a trece riba ex minister Otmar Oduber

EA News Author

Leave a Comment

Whatsapp Message