E torneo di golf mas popular di e isla cual a tuma luga n’e prestigioso cancha di golf na Tierra Del Sol – cual recientemente a habri bek despues di un renobacion extensivo y reconstruccion total. E torneo anual organisa p’e di diesshete biaha ta recauda fondo pa aporta na diferente causa den nos comunidad. E ta ofreci pa Arion Wine Company conhuntamente cu California’s Wente Vineyards, como tambe algun otro sponsor local generoso.
P’e edicion di 2025, e torneo a conta cu 84 hungado den un formato divertido di dos persona pa wega. E fondonan colecta a bay destina pa Plan Di Mayor, un fundacion cu ta priorisa bienestar di nos muchanan, ta yuda mayornan nabega e dificultadnan di separacion of divorcio.
E fundacion ta brinda guia cu compasion, na con pa maneha un situacion caminda mayornan no ta hunto pero ainda ta cria e mucha hunto, cumpliendo cu tur rekesito di ley.
Arion Wine Company a dedica 100% di placa recauda n’e fundacion y orguyosamente a entrega nan e suma na Plan Di Mayor cual tabata un donacion di AWG. 20, 000 florin, recauda completamente na Wente Vineyard Golf Tournament.
Representante di Plan Di Mayor, Michelemira Arends a disfruta di e honor di colecta e suma, cu hopi emocion, ora cu nan a dun’e e sorpresa aki pasobra e mes no tabata sa cuanto e suma total recauda tabata ta. E tabata un momento emocional y cu a nifica hopi pa tur envolvi.?
E donacion generoso aki tabata posibel danki n’e sosten grandi, participacion y entusiasmo di tur sponsor y hungadonan cu a registra p’e torneo. Un danki special ta bay na Papiamento Restaurant, kende a contribui na un porcion significante na loke tabata e donacion total. Arion Wine Company no a deduci ningun costo relata na organisacion di e torneo, tur florin recauda a bay directamente na e causa.
Un grandi di curason ta bay na abo Arion Wine Company y H&H Fine Wine & Spirits su teamnan, kende nan dedicacion y trabao a haci e evento y donacion aki posibel.
Un nota di gratitud ta bay n’e siguiente sponsors pa nan contribucion: Arion Wine Company, Wente Vineyards, Aruba Bank, Builders’ Windows and Doors, Plus Accountants, ASD, Royal Aruba Aloe, Aruba Airport, Sotheby’s Real Estate, Robertson Fire, Setar, Safecom, Complete Logistics, H&H Fine Wine and Spirits, Happy Insurance, Tropical Bottling Company, Papiamento Restaurant, Bright Bakery, ACC (Aruba climate control), ProNova, y IberoStar Hotels and Resorts.
