Aruba Bank ta informa su clientenan cu su
servicio bancario a wordo restableci despues di un interupcion inespera. Durante e periodo
aki, Online Banking y transaccionnan via Aruba Bank App tabata temporalmente afecta.
E interupcion a wordo causa pa un fayo inespera den un generator na nos sucursal na
Camacuri, cu a causa un shut-down di nos centro di data.
Nos ta pidi disculpa di curason pa e inconveniencia cu e situacion aki por a causa y nos ta
compronde e impacto ariba e actividadnan diario. Nos ta sumamente agradecido pa e
pasenshi y sosten mientras cu nos ekipo di expertonan tabata traha duro pa resolve e
problema.
Aruba Bank ta comprometi pa duna un servicio bancario confiabel y sin interupcion.
Danki pa e confiansa y comprencion.
Aruba Bank Ta Informa Clientenan Tocante Restablecimiento di Servicio despues di Interupcion Temporal
