Featured Local

Aruba ta raporta riba e implementacion di e SDGS hunto cu e otro paisnan den Reino Hulandes


Pa sigui encurasha paisnan pa implementa e metanan di Desaroyo Sostenibel(SDGs), Nacionnan Uni a establece un proceso yama “SDG Voluntary National Review (VNR)” cu ta permiti paisnan reporta riba e implementacion di e metanan aki y pa esaki wordo revisa y pa asina paisnan por sina di otro con pa sigui padilanti cu e implementacion.

Riba 14 di juli 2022, hunto e VNR raport di tur pais den Reino Hulandes lo wordo presenta oficialmente na Nacionnan Uni. Esaki ta delinea  e progreso cu cada di nos a haci den implementacion di e SDGs y lo menciona e retonan cu  tabata confronta den e proceso di implementacion. 

E rapport conteniendo e implementacion di SDG di cada pais den Reino Hulandes  a wordo acorda door di Conseho di Minister di Reino. E raport aki ta contene un capitulo di cada pais den Reino y alavez un capitulo riba e situacion special di islanan y e desafionan unico cu nos ta afronta. Entretanto e VNR report a wordo manda pa Nacionan Uni di Den Haag y ta disponible via e link https://hlpf.un.org/countries/netherlands/voluntary-national-review-2022.

E presentacion di dia  14 di juli ta  sigui un  proceso di revision door di miembronan, y na unda lo ta provee recomendacionnan riba con pa mehora e proceso di implementacion di e metanan pa Desaroyo Sostenibel di Nacionnan Uni pa cada pais den Reino. 

E comision di SDG Aruba, cu a keda institui pa provee un direccion strategico y pa coordina e implementacion di e SDGs, a organisa diferente sesion pa envolve e comunidad pa identifica bon practicanan di organisacionnan local den implementacion di e metanan di Nacionnan Uni y cu a forma parti di e raport cu a wordo entrega. Pasobra ta tuma henter cominidad pa implementa e SDGs den un pais.

Historia: 

Den september 2015, tur miembro di Nacionnan Uni (UN) unanimamente a adopta e programa internacional mas integral y ambicioso pa por crea un mundo mas sostenibel pa tur, creando 17 meta specifico, Metanan Mundial pa Desaroyo Sostenibel (SDGs), pa logra un miho mundo cu nos tin awo pa 2030. Aruba tambe ta parti di e esfuerso pa por logra e obhetivo aki. 

E lista di “TO DO’s” aki ta crea un agenda na unda cu e desaroyo no ta basa solamente riba e perspectiva economico pero tambe ta inclui aspectonan social y di medio ambiente. Pa por implementa un structura efectivo di e Metanan Mundial pa Desaroyo Sostenibel (SDGs) y e agenda extenso pa 2030 y crea un Aruba miho y sostenibel, ta rekeri un comunidad comprometi y activo. Mas uni nos ta, mas y miho nos ta logra. Realisando cu no tur e metanan por wordo realisa pareu.

Related posts

Minister Xiomara Maduro a entrega nota di cambio cu un deficit di 103 miyon menos

EA News Author

Pronostico di tempo diadomingo 03 di juli 2022

EA News Author

Ban yuda Colegio San Antonio recauda fondo!

EA News Author

Leave a Comment