Local

ARUBA TOURISM AUTHORITY CU RECONOCEMIENTO SPECIAL PA SU MIEMBRONAN DI EKIPO NA EUROPA. A HONRA Y GRADICI PA 5 TE CU 15 AÑA DI SERVICIO


ORANJESTAD, Aruba

Delegacion di Aruba Tourism Authority a biaha pa Europa pa asina atende varios reunionnan inportante. Ademas, a honra 4 miembro di ekipo di Aruba Tourism Authority, cu a celebra nan aniversario y cu hunto a yega na 40 aña di servicio.

 

CEO di A.T.A. Ronella Tjin Asjoe-Croes a habri e anochi ameno cu palabranan di elogio y aprecio pa e ekipo di A.T.A. expresando cu sin nos hendenan A.T.A. simplemente no por contribui di es manera cu e ta haci na turismo pa Aruba. Tambe a añadi cu sin esfuerso di A.T.A. Europa no lo a mira exitonan cu nos a conoce den nos turismo durante e ultimo añanan. Cada miembro di e ekipo ta aporta na e exito di e compania y na e bienestar di nos industria turistico. Ademas, a expresa un palabra di danki tambe na famianan di e nominadonan pa nan aporte y sosten. Tambe no por keda sin para keto na e hecho cu e oficina aki a gana ‘Oficina di Turismo di Aña’ na Hulanda algun siman pasa! 

 

Cada nominado di aniversario di A.T.A. a wordo presenta pa un clip cortico di nan persona, unda coleganan a bisa algo balioso di nan dunando asina un elogio na e nomidadonan.

CEO di A.T.A. a entrega na cada nominado un aprecio personalisa den forma di un pendant cu e logo oficial di Aruba imprimi.

 

Pa 5 aña di servicio a keda honra Elton Barbour -representante di benta pa Europa. Esnan cu a keda honra pa 10 aña di servicio ta Jaap Ellis –manager di mercadeo y benta pa Europa y Caresse Imon – asistente di management pa Europa. Y finalmente, pa 15 aña di servicio a keda honra Tirso Tromp cu ta e Area Director pa Europa.

 

Riba e potretnan adhunto por mira e ekipo di A.T.A. durante e anochi ameno, celebrando nan aniversario.

Related posts

Periodo di alivio a keda prolonga

EA News Author

Parlamentario Endy Croes: Felicitando Minister Danqui Oduber

EA News Author

Parlamentario Robert Candelaria: Polisnan como frontliner mester ta e siguiente grupo vunerabel pa vacuna

EA News Author

Leave a Comment