E proceso tecnico unda ta presenta e plan di entrenamento y e lista di atletanan cu e federacionnan ta presenta ta un proceso cu tur aña ta tuma luga y ta cuminsa den e luna di october di e aña anterior. Aki ta entrega e concepto di e plan di entrenamento pa e siguiente aña, pa asina Direccion di Deporte por wak esaki y aproba. E siguiente paso ta presenta e plan aki pa asina por elabora y constesta cualkier pregunta cu por tin.
E prome federacion pa cumpli cu e proceso aki ta Aruba Triathlon Association (ATA) cu dialuna ultimo a presenta nan plan. Den caso di ATA, entrenador nacional Glennon Eights hunto cu entrenador di ciclismo Lucienne Dirksz a presenta e plan dilanti di miembronan tecnico di Comite Olimpico Arubano, e directiva di e federacion di ATA y atletanan cu ta forma parti di nan seleccion. COA ta felicita ATA pa e presentacion y ta desea nan hopi exito, como e atletanan Junior ta den proceso di clasificacion pa Weganan Panamericano Junior di 2025 y e atletana Youth ta preparando pa eventonan grandi den 2026.
