Barbara Ringrose di Manchester, US ta presenta su buki titula ‘Aruba vacation with Aruba Joe’ na biblioteca na Playa, dialuna dia 13 di februari di 17:45 pa 18:45 PM. E escritora ta conta algo di e contenido di su buki y tambe e proceso di skirbi esaki.
‘Aruba vacation with Aruba Joe’ ta un novela cu diferente tema manera amor, famia y sorpresanan den bida y durante un vakantie na Aruba. Barbara Ringrose ta trata na transmiti e bunitesa di e isla den Caribe y ta laga lesadornan cera conoci cu e personahe ‘Aruba Joe’.
Barbara Ringrose tin su website caminda por haya poco mas informacion di su buki y su persona. Publico ta bon bini na e presentacion di buki dialuna dia 13 di februari.
