FeaturedLocal

ATSA ta conoce partners di coalicion nobo MEP & RAIZ

Atsa

Durante siman pasa, partners di coalicion MEP & RAIZ a reui cu decenas di stakeholders, solicitando nan
conseho den cuadro cu topiconan importante y nan expectativanan di e siguiente gobierno di coalicion. Cada
reunion a wordo sigui pa un conferencia di prensa, y mutuamente a bay di acuerdo di comentarionan. ATSA, e
Aruba Timeshare Association tabata un entre e organisacionnan local presente cual a wordo invita pa comparti
nan pensamentonan riba e isla su futuro hunto cu esnan encarca cu tuma decisionnan grandi.
E miembronan di board di ATSA di bishita a entrega den un carta di mayor interes tur nan comentarionan y
deseonan pa e siguiente cuater aña.
Vacation Ownership na Aruba ta hunga un rol hopi importante cu casi 40% di e isla su inventario total di
camber di hotel consistiendo di unidadnan di timeshare. Vacation Ownership tabata durante y specialmente
despues di e pandemia un sosten grandi pa Aruba su industria turistico. Vacation Ownership a keda resistente
tur e temponan aki y tin e crecemento di mas grandi den market-share den ambos 2020 cu 2021. E pandemia
no tabata e prome crisis cu e isla a experiencia. Esaki tabata e di tres biaha cu Aruba a bay atras den turismo,
pero su Vacation Ownership a permanece fuerte, cu un ocupacion consistentemente halto di camber y
actividad economico; Aruba tambe a mira cu miembronan di timeshare tin un compromiso na largo plaso cu e
isla, cual ta e envidia di mas grandi di otro islanan Caribense.
E Aruba Timeshare Association no solamente ta contribui positivamente na Aruba su economia, pero e
ta dedica tambe na su industria laboral, hopi propiedadnan timeshare ta inclui costonan di bida cu ta subi
anualmente y un gran parti di propiedadnan ta mantene nan empleadonan, y a proteha nan salarionan durante
e pandemia. Como e bos di Aruba su industria di Vacation Ownership, ATSA a compila prioridadnan clave pa e
recuperacion y sostenibilidad continuo di e industria di turismo na Aruba, sosteniendo e economia local. Algun
prioridadnan top a permanece importante durante ultimo cuater aña.
Leynan laboral: ATSA a presenta un lista di e adaptacionnan di mas importante na leynan laboral, tratando cu
un variedad di asuntonan laboral urgente, for di permisonan di trabao te cu pension.
Bubali Plas: E Sewage Water Treatment Plant na Bubali ta un planta cu ta trece hopi preocupacion pa e
asociacion, e ta den un mal estado anto esaki mester wordo adresa cu urgencia, sin necesidad di demasiado
dramatisacion, pero e ta un menasa hopi grandi mes pa turismo.
Beach & Beach policy: ATSA a expresa nan preocupacion grandi tocante e uzo no-sostenibel di Eagle Beach y
Palm Beach, di watersports motorisa, pa suntan lotion. E importancia pa proteha y conserva nos lama ta
sumamente grandi. E asociacion a haci un peticion pa watersports y operadornan ATV mas responsabel por
medio di mas operadornan consciente y responsabel, anto a adverti tambe riba perdida di nos beachnan.
Educacion: ATSA a subraya su interes grandi den educacion y manteniendo e ‘supply & demand’ di nos
industria laboral den balans. Nos hobennan mester wordo educa pa tuma nan luga den e industria laboral anto
yena trabaonan obtenibel riba nos isla. E industria laboral existente mester di training, y conocemento
relevante pa ta mas productivo, traha mas sabi y no mas duro. ATSA ta sostene inovacion, pa asina Aruba
permanece un destinacion di escogencia, sirbi pa trahadornan altamente cualifica.
Finance: ATSA ta desea di haci Aruba mas accesibel financieramente por medio di baha e costo di haci negoshi
akinan. ATSA kier mira un GOA waste-free mas sostenibel y mas eficiente. E reduccion di red tape, reforma
fiscal integral, anto un coleccion di impuesto mas eficiente generalmente, ta factornan crucial.

Sobredesaroyo: Hopi doño di timeshare ta saliendo for di Aruba, ATSA a adverti, pa motibo di
sobredesaroyo, nan ta mira e isla manera nan cas leu for di nan cas, pero nan ta ripara e ta birando
demasiado desaroya. ATSA ta promove un experiencia di calidad riba cantidad di bishitante. Pa
motibo di sobredesaroyo, ATSA a cuminsa mira cu ganashi anual di doñonan di timeshare a baha for
di $150 mil dollar na $125 mil dollar den e ultimo shete aña.
Seguridad: ATSA ta considera e lucha contra ladronicia y droga riba nos beachnan y rond di nos
area hotelero pa ta un prioridad grandi, y ta desea di mira mas presencia policial riba e beachnan y
den areanan turistico.
Medio ambiente y recycling: ATSA ta desea di mira mas concentracion riba leynan pa proteha nos
medio ambiente y e isla su recursonan natural, alabes ta desea pa introduci un levy ambiental pa
turismo crucero. Nan impacto riba nos medio ambiente no por wordo ignora mas, y nan mester por
cuminsa contribui y duna di nan parti tambe. Doñonan di timeshare ta interesa den mas recycling; nan
tambe kier mira mas proteccion di nos NATURALESA, esey ta loke a atrae nan na nos isla na prome
luga.
ATSA a tuma e libertad pa sumarisa tur loke nan ta considera e prioridadnan actual y continuo di
negoshi, medio ambiente, y turismo, anto ta para prepara pa asisti e gabinete nobo, pa ta envolvi den
cualkier plataforma, contento di por brinda feedback tambe, cu participacion significativo den cuadro
cu colaboracion di sector publico y priva.
ATSA a gradici miembronan di e coalicion nobo pa e oportunidad, y ta spera di por mira adoptacion
completo di puntonan di nan agenda durante e siguiente cuater aña.

Related posts

DAR1 a haci entrada hudicial na poschikito y a confisca arma di candela y municion

EA News Author

Minister Maduro di Cultura ta desea SMAC, tur grupo y participante hopi exito den Carnaval 69

EA News Author

Pastor Marcel Balootje: Consecuencia di desobedencia

EA News Author

Leave a Comment

Whatsapp Message