Entrante prome di october, ministerio di Asuntonan Social y Empleo ta aumenta onderstand pa solteronan cu ta biba independiente i pensioen di viuda y huerfano (AWW) na Boneiro, Saba i Sint Eustatius. Cu esaki tur compensacion minimo di AOV, onderstand y AWW ta na nivel di e punto di referencia minimo social.
Na Boneiro, e compensacion pa biba independiente pa soltero den onderstand ta subi cu 32 porshento, na Saba ku 25,1 porshento y na Sint Eustatius cu 9,4 porshento. Debi na e subida aki, solteronan cu ta biba independiente y cu tin derechi riba onderstand (completo), ta ricibi un compensacion social igual na e punto di referencia minimo social. Como cu ta paga e onderstand pa kinsena, esaki ta nifica un aumento di 63 doller pa kinsena pa solteronan cu ta biba independiente na Boneiro. Na Saba e compensacion social pa kinsena pa solteronan cu ta biba independiente ta subi cu 58 doller y na Sint Eustatius cu 22 dòler.
Ta aumenta e AWW tambe entrante prome di october na nivel di e punto di referencia minimo social. E montante di AWW pa por ehempel viuda for di 58 aña, ta subi na Boneiro cu 111 doller, na Saba ku 98 dòler y na Sint Eustatius cu mas of menos 19 doller, pa un total di 1.030 doller pa luna na Boneiro, 1.171 doller na Saba y 1.101 doller pa luna na Sint Eustatius.