Polis mester a dirigi su mes cu urgencia dilanti Cheng’s Suppermarket. Un Sra cu tabata canando lo a keda alcansa pa un auto. Na yegada di polis a cerca caminda mesora y a bay atende cu e chauffeur y tambe e Sra cu a keda herida cu un kap na su cabes. Ambulance a yega na e sitio pa atende cu e sra pa asina despues transporte pa hospital. E chauffeur ta duna di conoce na e sitio e no a mira e sra y consecuencia di esaki ta cu e la dal e. Polis a atende cu e chauffeur y lo investiga mas di cerca riba e accidente aki.
