Situacion di Rijkswet y autodeterminacion ta halando hopi atencion ultimamente, pero abo sa kico ta autodeterminacion? Hurista Jayburtt Dijkhoff ta mira e movecion politico cu ta andando na Aruba cu Hulanda y lamentablemente tin cu bisa cu e derecho di autodeterminacion no ta solamente un derecho pero e ta un obligacion tambe. Como pais no por solamente bati riba bo pecho cu bo tin derecho di autodeterminacion y tin autonomia.
Sinembargo si mester wak bon e derecho ey bo Pais tin e obligacion di percura lo miho cu ta posibel pa bo hendenan, pa bo pueblo. E gobierno mester percura pa e finansas publico ta den ordo , cu tin mecanismo nan do control pa evita corupcion pa e pais ta integro, educa bo pueblo pa mayan nan ta bon prepara pa asina nan por para riba nan pia y por sigui construi e pais.
Autodeterminacion tambe tin e parti di derechonan humano unda cu mester percura cu hasta esunnan cu ta vunerabel den bo Pais ta haya un voz, ta wordo scucha, ta percura pa nan, basicamente e gobierno mester percura pa tin un sociedad husto caminda cu nos tur mester por co habita pacificamente bon cu otro.
Sinembargo Jayburtt Dijkhoff cu ta un hurista ta indica loke cos ta wak den e ultimo añanan ta enfoca hopi riba e economia y tin hopi batayanan , LAGO a cera, turismo a cuminsa lanta , tabatin diferente crisis porehempel di Natalie Holloway , crisis economico y ultimo tabatin e COVID.
Pero si mester para keto un rato , e liña cora ta cu con berdaderamente como Pais con a haci nos huiswerk cu autodeterminacion, realmente Aruba a percura lo suficientemente bon pa nos pueblo?, Nos finansas publico ta den ordo ?, nos sa precies kico tur ta pasando riba Aruba? Tur hende ta haya nan derecho cu nan merece? E personanan vunerabel tambe ta wordo scucha y trata bon?.
Segun Jayburtt Dijkhoff si mester mira tur e rapportnan cu tin hopi punto cu no ta cuadra , alcontrario nos ta mira casonan di corupcion, un stempel parlament, esey kiermen cu e trias politica no ta funciona.
COVID ta e ehempel bibo cu Aruba su finansas publico ta asina malo cu casi por bisa cu si e ta un compania casi por bisa cu e ta bancarota paso e no por cumpli cu su obligacionnan debi cu cada bes e ta haye ta bay fia placa y ta pidi rente mas abou pa cubri su gastonan. Segun Doctor in de rechten Jayburtt Dijkhoff esaki ta muestra cu Aruba no ta den un bon situacion y cu esaki ta un situacion cu ta circula bay abou. Esaki ta sin conta riba e partinan basico cu ta e bienestar di nos pais , vivienda pa tur hende tin luga di biba, derechonan basico cu nos pueblo tin mester di dje.