ORANJESTAD, Aruba
Resientemente e avion Dash di Wardakosta a asistí ku un detenshon di un boto ku tabata
transportá 430 kilo di droga riba laman grandi. E droga tabata empaketá den 21 pakete na
bordo di e boto. Banda di e operashonnan riba laman grandi Wardakosta ta keda alerto tambe
pa transportenan di droga i di indokumentadonan ku ta purba drenta e islanan ABC via di
laman. Lo keda monitor e kostanan di e islanan intensivamente ku asistensha di e barku di
Marina Real Zr.Ms. Groningen ku lo keda asistí Wardakosta ku su patruyanan. Banda di esaki e
Sentro di Reskate i Kordinashon lo dirigí e unidatnan di Wardakosta riba laman manera e avion
Dash, e Metal Sharks nan i e cutter nan na momento ku detektá un situashon peligroso òf
kontakto sospechoso riba laman.
Na momento ku un habitante alerto mira un situashon sospechoso òf peligroso riba laman nan
por yama Wardakosta riba e number 913. E number akí ta alkansabel di dia i anochi. Barkunan
riba laman tambe por tuma kontakto ku e Sentro di Reskate di Wardakosta via di e kanal VHF
16 na momentu ku nan mira algu sospechoso òf peligroso riba laman.
Avion Dash di Wardakosta ta asistí den detenshon di boto ku droga
