Aruba ta den pleno campaña y tin partidonan lamentablemente ta haci uzo di tactica pa yega na e votado. Informacion cu EA News a haya ta bisa cu e partido berde ta haci promesa, cu ta imposibel pa cumpli. Esaki entre otro na ilegalnan.
Den un reciente actividad por a nota cu nan tin hopi Latino cu ta yuda e partido aki. Por a compronde, cu ta uza personanan ilegal pa haci cuminda pa e partido bende, pero tambe ta pone nan parti sticker durante e accionnan cu nan sa tene. grita canto di caminda y haci bonboshi pa hala atencion.
Recientemente a hala atencion, dos persona femenino y un persona masculino cu tabata den un accion di sticker banda di e mesun sede di e partido berde. E muhenan aki tabata bisti cu flanel y petchi di AVP. Pero nan mala suerte ta cu nan a post un video riba Tik Tok y ta hopi hende na Aruba a mira e video aki y a señala cu e personanan aki ta kedando ilegal riba e isla.
Segun diferente persona a comenta na EA News ta cu hopi di esnan rond di e candidatonan ta personanan stranhero y cu status ilegal.
Averiguando, a bin saca afo cu aparentemente ta pidi nan pa ayudo cu e promesa cu na momento cu drenta gobierno, lo drecha nan status pa nan. Un promesa cu lo nifica cu lo bay haci cosnan contra ley.
Si e hecho aki ta berdad, e ta un berguensa cu un partido politico ta haci uzo di e tipo di maniobranan aki, ya cu nan ta e promenan cu mester percura cu ta cumpli cu leynan y no haci promesanan cu no por cumpli cu nan.