Diasabra mainta a sosode un boksmento ariba rotonde di Paradera pa Babijn. Den e accidente un persona lo a resulta herida. Na yegada di polis di trafico nan ta topa cu Forensys y ta wordo splica kiko exactamente a sosode.
Tabata trata di un boksmento entre un auto Chevrolet y un Suzuki Liana. E Suzuki Liana lo no a regula su velocidad y a dal tras di e Chevrolet unda tabata tin un menor di edad.
Durante e impacto e mucha a resulta herida, sintiendo dolor na algun parti di su curpa. Na yegada di Ambulance e Paramediconan a bay atende cu e mucha.Polis di trafico a laga e chauffeur di e Suzuki supla pa controla si tin exceso di alcohol cu lo por a ocasiona e boksmento aki. E Suzuki Liana shinishi a wordo tuma den beslag y a bay cu takelwagen warda di polis.
