E conferencia ‘Ketenaanpak Overgewicht’ (Asercamento di cadena pa Sobrepeso), organisa pa GGD Boneiro / Salubridat Publico, riba diasabra 13 di juni 2026 a trece experto-, esnan cu ta traha maneho y partnernan di cadena hunto pa papia tocante asercamento conhuntamente di sobrepeso y obesidad bou di adulto y mucha na Boneiro. Durante e encuentro, intercambio di conocemento, encuentro y colaboracion tabata central.
Sobrepeso y obesidad ta temanan complexo cu ta bay mas leu cu solamente alimentacion y movescion. Sobrepeso y obesidad no ta afecta solamente salud di hende, pero tin influencia tambe riba bienestar, participacion y calidad di bida. P’esey un asercamento amplio ta necesario.
E conferencia a dirigi su mes riba fortificacion di e asercamento di cadena na Boneiro. Ademas organisacionnan di cuido, bienestar, deporte y ensenansa ta traha hunto pa logra un asercamento duradero di sobrepeso y obesidad. E encuentro a atrai un grupo diverso di participante y orador. Durante diferente presentacion y combersacion, a comparti conocemento valioso tocante e situacion na Boneiro, experencianan cu e asercamento di cadena na Hulanda y inversionnan cu ta necesario pa sigui duna forma na un asercamento local exitoso.
E participantenan a enfatisa cu impacto duradero ta solamente posible ora profesionalnan di cuido, gobierno y organisacionnan social traha hunto intensivamente.
Den su palabra di apertura, diputado Timoteo Silberie tambe a subraya importancia di un asercamento fuerte di cadena:
‘Conoce otro, sa con pa yega na otro y tuma responsabilidad conhuntamente ta crucial pa laga e asercamento ta exitoso.’