Featured Bonaire

Boneiru ta anunsiá skema di buelo for di Merka pa e próksimo lunanan


Tourism Corporation Bonaire ta informá

Tourism Corporation Bonaire (TCB) ta anunsiá e skemanan di buelo di American Airlines, Delta Air Lines i United Airlines pa e próksimo lunanan. 

E skema di buelo aktual di American Airlines te ku 12 di desèmber 2022 ta konsistí di tres buelo semanal riba djaluna, djárason i djasabra for di Miami, Florida. For di 14 di desèmber 2022 te ku 7 di yanüari 2023 tur dia tin buelo direkto pa nos isla. Durante e periodo akí nan ta bula ku un avion Boeing 737 ku ta ofresé kapasidat èkstra den tantu Business Class komo den Main Cabin. Dia 9 di yanüari 2023 e skema di buelo ta bira tres buelo pa siman atrobe riba djaluna, djárason i djasabra ku un avion A319.

Aktualmente, te ku 16 di desèmber 2022, Delta tin un buelo pa siman pa Boneiru riba djasabra for di Atlanta, Georgia. For di 17 di desèmber 2022 te ku 8 di yanüari 2023 e buelo pa siman akí lo oumentá i bira sinku buelo pa siman riba djaluna, djamars, djaweps, djabièrnè i djasabra. Despues lo tin dos buelo pa siman riba djarason i djasabra entre 9 di yanüari 2023 te ku 8 di mart 2023.

Na e momentu akí nan a stòp temporalmente ku e buelo di United Airlines for di Newark, New Jersey i e ta kontinuá dia 29 di òktober 2022, miéntras ku e buelonan semanal for di Houston Texas ta sigui normalmente riba djasabra ku un buelo di regreso riba djadumingu. 

Ya kaba e buelonan èkstra ta online i por hasi reservashon pa nan pa próksimo lunanan.

Related posts

Dokter Caroline Becker ta empleado di luna na Hospital

EA News Author

Qredits Boneiro ta cumpli 5 anja

EA News Author

Trailer na seccion di hende homber na GNC na candela

EA News Author

Leave a Comment