Boneiru a yama bon biní na e barku krusero
luhoso The World, ku a keda te dia 7 di mart den nos haf.
MS The World ta un barku krusero residensial privá, ku ta funshoná manera un kompleho
di kondominio. Habitantenan for di diferente pais ta doño di apartamentunan espasioso
na bordo. E habitantenan akí ta disidí adelantá na unda na mundu nan ke bai, i Boneiru
tabata mas ku un biaha e destinashon ku nan a skohe. E kapasidat total ta entre 150 pa
200 habitante, ku un tripulashon di 280 nabegante, miéntras ku e barku tin 12 dèk.
Tourism Corporation Bonaire (TCB) a manehá e ‘desk’ di hospitalidat na bordo, kaminda
e habitantenan por a haña konseho tokante aktividatnan na nos isla, hasi reservashon pa
sena, reservá outo di hür i regla otro eksperensianan.
The World a yega di bishitá Boneiru mas biaha kaba i TCB ta spera ku e eksperensia ku
nan tabatin ku nos isla, lo enkurashá mas bishita den futuro. Pa medio di kontinuamente
mehorá nos produkto, nos por garantisá mas bishita di e barku akí i di otro barkunan
similar.
