Djarason, 28 di oktober a presentá e buki nobo pa mucha ‘Tekki e totèki. Papiamento ta topa Papiamentu’. E buki aki ta skirbí spesial pa siman di buki 2020 pa asina sigui motiva muchanan pa lesa. Outor ta Richard Dabian i publiká pa Denise de Jongh-Rekwest di Request Publishing. E tema di siman di buki e aña aki ta historia. Den e buki ta menshoná dichonan di antes. Tekki e totèki ta un fabula ku ta konsientisá nos muchanan pa nunka pèrdè e ilushon pa logra nan metanan. Muchanan di Imelda Hof, Casa Cuna i tur skolnan di Trai merdia a risibí e buki aki komo donacion. Divi Impact Foundation a malkria e muchanan di Imelda Hof tambe ku un bunita i dushi bolo traha pa nan Pastry Chef Willeke den forma di Tekki. Request Publishing den koperashon ku Divi Impact Foundation a hasi donashon di buki pa di tres aña na tur skol basiko di Aruba. E buki ta obtenibel na De Wit Vandorp bookstore, Plaza bookshop i Biblioteca Nacional di Aruba.
Buki nobo Tekki e toteki pa nos muchanan di Imelda Hof, Casa Cuna i Trai Merdia.
