Personal militar di Aruba y Corsou (CARMIL) ta entrenando e siman aki na Aruba hunto cu e Unidad Mobil (ME) di Cuerpo Policial Aruba (KPA) y e unidad di K9 di KIA (Instituto Coreccional Aruba). E ehercicio ta enfoca riba accionnan di de-escalacion durante desorde civil, tambe conoci como “Beteugelen van Woelingen” (BVW), y ta prepara e milita rnan Caribense y partnernan di siguridad pa responde na disturbio di orden publico.
E trainingnan a tuma luga tanto na Marinierskazerne Savaneta como na otro locationnan den e ultimo dianan. Riba diahuebs, 23 di april, e scenario final di e ehercicio a tuma luga den e asina yama ‘old Esso village’ na Seroe Colorado. Den un scenario realistico, a simula un situacion caminda Gobernador di Aruba ta wordo confronta pa un grupo di demostrante. Ora cu e situacion a menasa di escala, a pidi asistencia militar den forma di un platoon di solda. Central den e ehercicio final aki tabata e actua de-escalatorio y e cooperacion cu partnernan local di siguridad.
Platoonnan di Supresion di Desorde (BVW) Como partner di siguridad relevante pa brinda asistencia militar na Aruba, Corsou, Sint Maarten y e islanan BES, CZMCARIB tin dos platoon entrena den ‘riot suppression’ na su disposicion. E unidadnan aki ta consisti completamente di personal di CARMIL y por wordo desplega pa apoya orden publico y siguridad. Tanto Corsou como Aruba tin nan propio platoon di BVW y ta practica regularmente pa keda prepara pa cualkier scenario di disturbio.