Diasabra mainta mientras cu e parada di Jouvert Morning tabata pasando den cayanan di San Nicolaas, e unidad di polis motorisa tabata teniendo un control basta severo den area di Savaneta pa Pos Chikito.
Mayoria di auto a respeta ordo di polis, algun no lo a pone tino of tabata burachi cu no a mira polis mes. Esaki a sosode cu un hoben tambe cu tabata bayendo abou y no a respeta ordo di polis. Mesora dos unidad motorisa di polis a bay su tras y riba e caminda di Sabana Basora pa bay Franse Pas nan a logra para e auto y detene e chauffeur. Transportwagen di CEA a busca e chauffeur y hibe warda di polis na Balashi.
