Despues di su transportacion e barco cu ekipo y material di show a yega diadomingo y dialuna a cuminsa e proceso di translado pa Harbor Arena, dilanti Wendy’s Boulevard. Na e mes momento a cuminsa e instalacion e mega tent color geel y blauw.
Durante e dianan cu ta bin, comunidad lo por mira e movevion di trahadornan na tereno y e carpa cu ta subiendo paso pa paso. Aunke tabatin atrasonan, tanto maritimo y otro, organisador ta traha intensamente duro pa garantisa cu tur preparativo lo ta cla pa debut dia 3 di october. Circo Suarez ta haci un invitacion abierto cu alegria i optimismo. Den programa lo tin: payaso, Peluzin jr, show di brommernan, un mariachi y baile folklor di Mexico, trapecista,alambrista, malabarista y mucho mas. Circo Hermanos Suarez ta bin cu un experencia familiar inolvidabel, pleno di color, musica y magia, pronto disponibel pa henter pueblo di Aruba den Harbour Arena. Circo Hermanos Suárez aya Nos Vemos – Aruba 2025