LocalFeatured

Coleccion Digital di biblioteca a crece pa 30 mil items

Qr Bna Digital

Na maart 2019 biblioteca a lansa su plataforma digital cu un coleccion chikito. Despues di 2 aña e coleccion aki a crece substantialmente: awe Biblioteca Nacional Aruba ta ofrece mas cu 30.000 items di su coleccionnan online, manera buki, revista, corant, potret, tesis y otro publicacionnan. E coleccion digital ta ofrece acceso liber na studiante, bishitante en busca di informacion, investigadornan: e meta ta pa duna acceso na un y tur. Por tira un bista via http://bna.aw/digital

Departamento Arubiana/Caribiana ta maneha e coleccion aki y a digitalisa tambe como 4600 potret historico. Algun luna pasa por ehempel un coleccion di potretnan di LAGO a bin acerca, unda hopi trahador di LAGO por a reconoce nan mes riba e potretnan. Siman pasa a añadi mas cu mil potret, entre otro di e bishitanan real durante e añanan ’40 pa ’60, di e welganan cu a tuma lugar na LAGO na aña 1951 y 1960, y tambe e coleccion di potret di Aruba di dr. Johan Hartog. Tin hopi mas material na caminda.

Cu e coleccion digital un parti di e coleccion nacional documental y audiovisual di Aruba ta bira mas visibel pa mundo henter. Tambe di e manera aki ta lanta mas interes den loke tur biblioteca tin di ofrece. Pa pregunta, pa manda publicacion digital of pa mas informacion por tuma contacto na 528 1570 of via email: digital@bibliotecanacional.aw

Qr Bna Digital ScaledBna Dig Lago Prdept 20467 118Bna Dig Hartog Caha 001 012 009

Related posts

Famia Real a bishita casnan di catibo

EA News Author

Pastor Marcel Balootje: Acepta displina y coreccion, asina evita huicio di Dios

EA News Author

Cachonan criyoyo ta hopi pidi den exterior

EA News Author

Leave a Comment

Whatsapp Message