Cu e temperaturanan halto cu nos ta sinti e dianan aki na Aruba, ta fundamental pa nos presta atencion special na nos adultonan mayor. Segun cu añanan ta pasa, e curpa ta cambia: e sensacion di sed ta bira menos y e habilidad di e curpa pa regula su mesun temperatura ta baha. Esaki ta haci cu nos grandinan ta core mas riesgo di deshidratacion sin cu nan mes ta ripara.
Cuida nos hendenan grandi durante e temporada di calor aki no mester ta complica. Cu un tiki atencion y bon custumber, nos por percura cu nan ta keda fresco, saludabel y yen di energia. Aki tin 4 tips practico y efectivo:
*Laga nan bebe awa constantemente (sin spera sed): Como cu e sensacion di sed ta baha cu edad, ta importante pa bebe un par di slok di awa continuamente durante dia, en bes di spera te ora e curpa pidi’e.
*Incorpora cuminda rico den awa: Menu diario por inclui sopi, salada di komkomber, y frutanan suave manera patia, melon y papaya. Esakinan ta facil pa come y ta duna un bonus di hidratacion!
*Busca e oranan mas fresco pa sali (cu nan): Evita haci caminata, trabou den cura of respondi den solo entre 10:00 AM y 4:00 PM. Ora di sali, bisti paña di color cla, tela di catuna, y uza bo sunblock.
*Crea un ambiente fresco den cas: Mantene bentanan habri caminda biento ta pasa, uza fan of airco, y percura cu e luga di descanso ta bon ventila y den sombra.
Un hidratacion adecuado ta preveni dolor di cabes, mareo, fatiga y otro complicacionnan di salud. Ban cuida nos grandinan cu un bon glas di awa fresco tur dia!