Hensley Davelaar, kende tabata director di Serlimar, a perde su caso den corte contra e compania. Na memento cu nan a dicidi di dun’e su retiro, Davelaar a bay corte y a exigi pa pague e resto di su contracto. Esaki pasobra a kit’e prime cu tempo.Serlimar su abogado durante e caso a splice cu e motibo pa cual a kit’e for d e puesto di director tabata pasobra e no a cumpli pa drecha e sistema di incasso di Serlimar. Aki tabata existi caos cu hopi riba e reclamonan. A pidi’e specificamente pa drecha e situacion aki y percura cu placa cuminsa drenta manera debe ser. A constata cu despues di dos aña nada no a cambia den e departamento di incasso y a hala su atencion. Ora cu minister Marisol Lopez Tromp a sinta y a constata cu e no a haci nada, a dicidi di haci uzo di e clausula poni den e contracto cu cada un di nan tin e derecho pa kibra e contract prime cu tempo. Basta duna un luna di opzeggingstermijn y esaki loke e Hunta di Supervision a haci. Pero Davelaar a bay corte y el a sali di malo pasobra tur su demandanan a wordo rechasa y awo hasta tin un debe di 8 mil florin pa paga e gastonan di corte como e partido cu a perde e caso.Actualmente Anko Koopmans ta director, pero tambe a expresa caba cu e ta bandona e puesto despues cu el a haya confiansa di e minister anterior.
Davelar a perde su caso contra Serlimar
