Hulanda

Delegashon Hulandes di Komishon Fiho pa Relashonnan den Reino di Eerste Kamer

Hulanda..

Un delegashon di 13 miembro di e Komishon Fiho pa Relashonnan den Reino di Eerste Kamer aktualmente ta realisá bishitanan di trabou na e seis islanan di e parti Karibense di Reino. E bishitanan di trabou pa Sint Maarten i Saba ya a keda finalisá. E delegashon ta gradesido na e diferente partnernan pa e bon organisashon i kaluroso bon bini.

Durante e bishitanan di trabou e delegashon ta tene su mes na e reglanan vigente di Covid-19. Durante e tèst di PCR ku ta nesesario pa bishitá Sint Eustatius, a resultá ku e lider di delegashon, sr. Paul Rosenmöller, a tèst positivo pa Covid-19. Despues di e notisia sr. Rosenmöller a drenta den karentena mesora. 

E sobrá miembronan di delegashon a tèst negativo. 

A informá e Komisario di gobièrnu sentral na Sint Eustatius. E reglanan di COVID-19 na Sint Eustatius ta permití e delegashon sigui ku su bishita di trabou einan. Durante e bishita e delegashon ta sigui e reglanan vigente. 

Sr. Toine Beukering, visepresidente di e Komishon Fiho pa Relashonnan den Reino lo fungi komo lider di e delegashon pa e sobrá bishitanan di trabou.

Related posts

Parlamentario oropeo samira rafaela ta risibi nominashon pa harper’s bazaar women of the year 2020

EA News Author

Parlamentario Shailiny Tromp-Lee: a keda demostra cu Parlamento ta un motor pa hopi cambio necesario na beneficio di nos studiantenan

EA News Author

Ministerio di BZK ta establesé dos kátedra nobo pa Reino

EA News Author

Leave a Comment

Whatsapp Message