PoliticaFeaturedLocal

Desde Maart 2023, politica di admision, e “handboektoelating” ta den pleno ehecucion

Eng Since March 2023 Admission Policy

Dialuna ultimo, durante conferencia di prensa di Gobierno, Minister Glenbert Croes a adresa un pregunta haci na su persona pa loke ta trata e asunto di admision. Minister Croes a informa cu desde Maart 2023, a drenta den efecto un politica nobo di admision, cu ta “handboektoelating” cu riba su proposicion a wordo aproba door di Conseho di Minister. 

E mandatario a sigui splica cu actualmente na nivel di Dimas y DPL, e “handboektoelating” ta den ful implementacion y ta dunando señalnan positivo. El a indica cu e caminda pa drecha e servicio di Dimas ta largo, pero e ta satisfecho cu e cambionan den liderazgo cu e departamento ta bin ta haciendo. “Pa loke ta e departamentonan cu ta cay bou mi minsterio, mi lo haci tur loke ta na mi alcance y tur mi esfuerzo pa e servicio na comunidad drecha, cuminsando di momento cu e cliente drenta e departamento, brindando respet mutuo”,Minister Croes a expresa. 

Pa loke ta e cambionan den “handboektoelating”, esaki ta contene hopi cambio. Pero e mandatario a simplemente duna dos ehempel durante e rueda di prensa:anteriormente, ora un persona aplica pa un permiso prome biaha, e lo mester warda esaki den exterior. Cu e maneho nobo, nan por warda esaki na Aruba mes. E permiso multi-anual tabata den ley caba desde 2018, pero no tabata wordo aplica. Na e momento aki e ta den ful implementacion. Djis dos ehempel cu e mandatario a duna durantesu rueda di prensa.

Tambe ta importante pa menciona cu e politica nobo di admision cu a drenta den efecto Maart 2023, no ta e version final y cu ta na caminda ta realisa e cambio- y adaptacionnan cu mester wordo haci pa e proceso aki ta uno efectivo. Mirando cu e cambionan aki no ta rekeri cambio di ley, ta evalua cada 3 a 6 luna con pa mehora e proceso. E intencion di e “handboektoelating”ta, pa e ta un caminda cu ta duna balor y respet na e dignidad humano. Si un persona ta legal, su permiso lo wordo renoba sin ningun problema y den ful transparencia. Si e persona ta ilegal, e lo cay bou di e politica di integracion, na unda cu si un compania ta dispuesto pa firma p’e, despues di varios evaluacion, lo tin e posibilidad pa e drenta e mercado laboral. Na momento cu e persona drenta e mercado laboral, el lo paga su belasting y su primanan contribuyendo asina na e economia di pais Aruba. Ademas cu dje forma aki ta combati economia informal den mercado laboral.

Related posts

No tin eigenbijdrage

EA News Author

Minister Xiomara Maduro ta reconoce Anselmo Leo Vrolijk pa su 40 aña den media informando y educando nos comunidad

EA News Author

Ministerio di Cultura y Comision Celebracion Dianan Nacional a anuncia: “Sinterklaas y pietnan di color ta yega Aruba diadomingo 19 november pa 3’or di atardi”

EA News Author

Leave a Comment

Whatsapp Message