E aña aki tin caminda di cruz bibo un biaha mas. Coordinador di e caminda di cruz bibo Gina Nuboer ta duna di conoce cu esaki ta di 14 biaha cu ta organisa e caminda di cruz bibo cu lo tuma luga dia 18 di April na misa Inmaculada Concepcion na St Cruz pa 10 or di mainta.
E caminata lo cuminsa dilanti misa Inmaculada Concepcion y lo conta e historia di caminda di cruz con Hesus a pasa e tempo aya y a muri na cruz pa nos. A traha un ruta riba caminda prinsipal di St Cruz pa asina e comunidad di St Cruz por presencia na un manera bibo kico tur a pasa y con e la sacrifica pa nos cu ta na mundo awe. Importante ta pa e mayornan trece e muchanan y hobenan pa nan por mira y sa kico a pasa realmente y con Hesus a muri pa nos.
E caminata ta un procesion y e ta un misa di mainta pa e muchanan. Ta bay tin tent y stoelnan disponibel,pero ta haci peticion pa bin cu boter di awa. E invitacion ta keda pa e pueblo di St Cruz pa bin experencia e caminda di cruz bibo unda cu por biba e historia den un forma diferente.
