LocalFeatured

Director di DIP Haime Croes a perhudica inversionista, studiantenan y Aruba su economia

Julianaschool

Un declaración duna door di Karaan Baroud recientemente, ta mustra cu n biaha mas Haime Croes, director di DIP a comete un blunder. No solamente comete un blunder, pero por daña nomber di Aruba y hasta Aruba por haya su mes cu un caso pa daño y perhuicio.

E grupo Ausoma a mustra interés den Aruba algún aña pasa pa establece un Universidad di Medicina. A logra esaki na 2018, pero despues a bini pandemia pa cual nan mester a haci lesnan online. Mientrastanto ta yega e momento pa nan busca nan acreditación di e órgano mundial p’asina nan diploma wordo reconoci. E acreditación ta basa riba dos punto di cual un di nan ta cu e mester tin un campus. Y aki ta e problema a cuminsa pa e inversionistanan.

Nan a haya apoyo y tur di Conseho di Minister di Aruba y a duna DIP e ordo pa negocia cu e grupo riba un acuerdo di huur di e edificionan di Juliana School y Beatrix School. Aunke e noticia aki di e decisión di Conseho di Minister no tabata di e positivo ey, pa motibo cu e ta un contracto di cinco aña y difícil haya banco apoya nan di e forma aki, a dicidi di bay sinta toch na mesa. Nan a bira hopi entusiasma ora cu for di e propio director di DIP a bini e sugerencia pa nan cumpra e edificionan. Esaki tabata un miho opcion pa nan.

Pero loke cu a pasa despues di e sugerencia aki, a causa nan mas daño. Un perdemento di tempo, pasobra ta parce cu despues di esey e director di DIP, pa motibonan desconoci y imcomprendibel pa e inversionistanan a bira mudo. Berdad a haya e opcion riba e terenonan, pero e tabata un opcion sin ningún splicacion of contenido. No tin ni suma yena den esaki, pa cual difícilmente un banco serio lo por otorga e grupo Ausoma miyones pa drecha e edificionan aki.

E inversionista a trata di tuma contacto di tur forma cu Haime Croes, y e tin prueba pa demostra esaki, pero nunca el a haya un contesta. No ta conocí si ta intencionalmente el a haci esaki, pero su falta di contesta a causa cu e grupo no por a bay banco y a yega momento cu nan derecho riba e opcion aki a vence na januari ultimo.

Un perdemento di tempo pa e grupo Ausoma, pasobra pa september awo cu e semester nobo cuminsa, nan mester tin nan campus. Ta parce cu ta un wega Haime Croes a hunga perhudicando e inversionista den su tempo, ya cu e por a busca otro luga si e tabata sa cu Croes no tabata bay haci su esfuerzo pa cumpli cu decisión di Conseho di Minister.

Awo e Universidad aki ta core e riesgo di no cumpli cu e exigencianan di e órgano mundial di acreditación, y tur e hobennan cu a studia eynan a perde nan tempo y placa. Pero hobennan di Aruba tambe ta perde e chens pasobra Ausoma tin plannan grandi pa haci e dos edificio aki un Centro di Educacion pa un Associate Degree, prome cu e hoben bay sigui e ultimo parti di su estudio den exterior. Pero tambe e grupo kier bini cu programanan di certificación riba tur nivel. Un joya di un proyecto.

Pakico? Esaki ta e gran pregunta, despues di scucha e declaración di e inversionista. Si e Gobierno di Aruba mes tabata di acuerdo cu e proyecto aki y a manda DIP sinta na mesa cune, dicon a “boicotea” nan di e forma aki ?. Di otro forma no por cataloga esaki si bo no ta contesta ningún correspondencia di Ausoma.

Ta parce cu Haime Croes ta maneha DIP manera cu ta su mesun negoshi e ta, en bes cu e ta un departamento masha importante di Gobierno. Esaki ta bira otro caso cu Landsrecherche mester bay indaga pa mira kico mas tin su tras. Si tin otro grupo cu a pidi opcion of tabata interesa den e dos edificionan aki, di cual un di nan ta un edificio monumental.

Juliana Y Beatrixschool 1 1

Related posts

Pronostico di tempo diaranson 26 di oktober 2022

EA News Author

Ta celebra e victoria riba gobierno su decision pa bay casacion

EA News Author

Na Boneiro autoridadnan ta bati alarma pa buskeda di Arthur Cecilia

EA News Author

Leave a Comment

Whatsapp Message