No ta mira cu ciudadanonan di e isla di Aruba, Corsou y Boneiro ta na altura cu nan ta na peliger

Ex Minister di Antias Glenda Richardson ta kere cu nos den Antias mester realisa cu e pais nan rico tin e mundo den e situacion cu nos ta aden na e momentonan aki. Den parti di islanan ariba e horcannan horibel cu ta dal nos ta e consecuencia di e crisis di medio ambiente.

No ta mira cu e ciudadanonan di e islanan di Aruba, Corsou y Boneiro ta na altura cu e islanan aki ta na peliger, esaki ta pa motibo cu e islanan ta bira mas y mas bao di nivel di lama.  Ex minister di Antias Glenda Richardson ta kere cu enbes di pidi placa, pidi pa experiencia,experticio y maneranan con pa salba nos bida y nos generacion den futuro.

Nos mester ta hopi mas consciente cu enbes di bringa pa placa, busca un manera pa Hulanda yuda nos unda cu ta cuminsa na haci e comunidad mas consciente di kico tin y kico nos ta bay haci pa proteha e islanan di Aruba Corsou y Boneiro pa nos generacionnan venidero.

Si asunto di placa mes bin riba mesa, na ken e ta bay ? Segun Ex minister di Antias Glenda Richardson por a compronde cu hopi hende ta bisa cu politiconan ta corupto y si e placa bay na e politiconan e pueblo no lo haya nada.

Pesey ta importante pa e yudansa cu Hulanda ta manda ta pa henter sociedad probecha y no solamente di e generacion aki, pero tambe na esunnan cu ta bin pa tin un poco di proteccion pa nan pa asina nan por gosa di e isla y por sigui biba den futuro.