Featured Deporte Local

Minister Endy Croes a haci entrega di reconocemento baluarte di excelencia den deporte na sr.Roy Angela


Durante un fantástico anochi pa recauda fondo pa Colegio Laura Wenet Paskel su su biblioteca.  Durante e fantástico anochi Black Tie fundraising party pa recauda fondo yuda nan yuda nos pa Biblioteca pa Colegio Laura Wernet a reconoce sr. Roy Angela. Roy Angela conocido deportista y comentarista a ricibi un grato sorpresa durante e fantástico anochi pa recauda fondo pa e biblioteca Colegio Laura Wernet Paskel organisadonan a sorprende Roy Angela cu un bunita reconocemento pa tur locual a haci pa deporte di Aruba. Roy un gran deportista, awe te ainda un gran comentarista di deporte, a haci trabou nan voluntario pa añas den diferente deporte y pa cu esaki merecidamente a duna Roy Angela e anochi aki un reconocemento. Sr. Roy Angela sigur no ta un persona desconoci na Aruba for di mucha Roy tabata activo den e deporte di futbol, baseball, billard y softball. Minister Endy Croes a hiba palabra, alabes felicita Roy Angela y haci entrega di e reconocemento. E mandatario di Deporte a expresa cu ta un honor pe pa por entrega e reconocemento na sr. Roy Angela den nomber di e comisión organisado.

 

Roy ta un amigo di mandatario for di oranan e tabata mucha. ‘Mi persona a lanta hopi jong den e mundo di deporte y mi tabata‘bad boy’ di Aruba Video Center, tempo cu sr. Angela tabata hungado grandi di e ekipo’, e mandatario a expresa. Asina nos a bira manera un tata y yiu. Mi a biaha cu nan pa Curaçao, Costa Rica y diferente otro pais. Como mucha di 10 aña mi mayornan tabata lagami bay. Roy tin hopi talento den deporte, e la hunga billard, futbol, baseball y softball riba nivelnan halto. Asina mi conoce Roy y nos a keda for di mucha te na grandi masha amigo cu otro te cu awe, rato rato mi ta bishita Roy na cas. Minister Endy Croes a gradici sr. Roy Angela danki pa tur loke cu bo a haci, significa y bo aporte na deporte pais Aruba.

 

Sr. Roy Angela su amplio trayecto como deportista:

Futbol

Sr. Angela a hunga futbol den e ekipo di Atlantico Deportivo di Aruba. E tabata un hungado cu hopi talento. Roy a practica e deporte di futbol pa 10 aña. Na aña 1970 Roy a hunga den e selección hubenil di Aruba cu a bay hunga contra Curaçao y Boneiro pa wak ken ta gana e derecho pa forma parti di Seleccion di Antias.

 

Despues Roy a bay hunga cu Selección Antias cu a gana medaya di plata na Weganan di Reino di aña1970 na Curaçao y Aruba. Na aña 1971 Roy a bolbe hunga den selección hubenil di Aruba como tambe den e Selección Senior di Aruba cu a hunga contra Curaçao y Boneiro den e weganan Inter insular di 40 aña di AVB.

 

Unda nan a gana e Seleccion di Boneiro. Despuesna 1971 Roy a hunga un bes mas den seleccion di Antias cu a gana medaya di plata den Weganan di Reino na Hulanda, huntu cu Ronald Albertus, Jubinald Martis, Eligio Koeyers, Riley Toppenberg, Gerell Pourier di Boneiru, Roy Maxwell, Reginald Bayena Clemencia, Walter Curiel, Mau Maria, Jose Maduro, Herbert Rosalia, Donny Hernandez, Jozef Papito Nivillac, Erick Zanga Constancia.

Na aña 1972 Roy ahunga cu selecciondi Aruba contra e club profesional Millionarios di Colombia, caminda Roy a nota 1 gol di freekick. E mesun aña sr. Angela a haya chens di bira profesional cu equipo Millionarios di Colombia. Roy a haya un contract di 3 luna cu nan. Den mes un aña Roy a bolbe hunga den e selección hubenil di Aruba cu a hunga contra Curaçao y Boneiro. Roy a hunga 6 wega den e selección grandi di Aruba y a anota 2 gol.

Logronan:

– 1970 medaya di plata cu Selección Hubenil di Antias den Weganan di Reinona Curaçao y Aruba.

– 1971 medaya di plata cu Seleccion  Hubenil di Antias den Weganan di Reino na Hulanda.

 

 

Baseball

Sr. Angela a cuminsa hunga den little league cu edad di 8 aña den ekipo di Hurricane. Roy a cuminsa  hunga den Doble A pa Sta. Cruz Stars cu despues a bira J&B Sta. Cruz, Sibonne, Santa Cruz Royals y Aruba Video Center. Na 1976 Roy dal homerun over di muraya contra Budweiser.Na aña 1976 Roy a dal homerun pa Sibonne contra Wild Cats Felipe II den Copa Antiano.Na aña 1982 Roy a hunga den Selección di Aruba cu a hunga contra Curaçao y Sint Maarten pa forma Selecciondi Antias cu tabata bayhungaWeganan Centro Americano y del Caribe na Cuba. Sr. Angel ahunga baseball te cu e edad di 24 aña den Doble A.

 

Internacional:

Na 1979 Roy tabata den e pre-seleccion di Hulanda como pitcher di e ekipo Quick. Roy  pitcha mesun aña pa Quick gana Storks na Hulanda. Na aña 1983 Roy hunga den Seleccion di Antias cu a hunga Weganan Panamericano na Caracas Venezuela. Na 1983 Roy a hunga cu Seleccion di Antias cu a perde contra Puerto Rico y Roy Sali miho batedo pa Antias cu 2 hit den 4 turno. Na 1987 Roy a hunga den Selecion di Aruba den e Copa Intercontinental na Santiago de Cuba.

 

Logronan:

– 1974 di 2 luga den bateo cu average di 333.

– 1975 di 2 luga den bateo cu average di 359.

– 1975 lider den doblete cu 7.

– 1976 sub campeon AA di Aruba cu Sibonne.

– 1976 sub campeon AA di Antias cu Sibonne.

– 1976 campeon honronero di cas di Aruba ku Sibonne.

– 1976 di 2 den bateo cu average di 359.

– 1976 lider den hit conecta cu 23.

– 1976 di 3 luga den caredaempuha 12.

– 1978 promedio bateo average 311.

– 1978 di 2 luga den doblete cu 6.

– 1981 campion AA di Aruba cu Aruba Video Center.

– 1982 di 3 luga den bateo cu average 369.

– 1985 campeon AA di Aruba cu Aruba Video Center.

 

Billard

E deporte di billardsr. Angela a practica cusu 35 aña.Ela hunga den Sportboys Biljart Team. Na aña 1984 ela bay train pa forma parti di Seleccion di Aruba den billard.

Logronan:

– 1984 campeon di Aruba como hungado di Sportboys BillardTeam.

Softball

Roy a hunga cu 18 aña softball. Ela hunga den e equipo Chuchubi y diferente biaha e tabata miho batedor. Roy hunga tambe den ekipo Honda, di cual na aña 1978 e tabata e miho bateado cu 6 hit den 15 turno cu un average 400.Na aña 1979 Roy tabata den e Seleccion di a di Aruba cu a hunga contra Selección Curaçao.

Logronan:

– 4x Campeon cu ekipoAruba Video Center.

Minister Endy Croes dennomber di Gobierno di Aruba ta felicta e organisadonan cu un tremendo evento pa recaudaf ondo pa Colegio Laura Wernet Paskel, alabes ta felicita sr. Roy Angela cu e reconocemento bon mereci. Cu e deseo, disciplina, dedicacion y determinacion bo ta logra bo metanan!!

Related posts

CEDE Aruba y Oranje Fonds a tuma e desicion responsabel pa pospone Aruba Doet 2021

EA News Author

Toque de Queda ta keda prolonga te cu dia 7 di Januari.

EA News Author

Método di trabou di e konseho spliká durante reunion ekstraordinario den Hotel Avila Beach

EA News Author

Leave a Comment