Polis mester a bay cu urgencia dilanti di Paseo Herencia unda cu un persona lo mester a dal un otro persona cu un piedra den su cabes. Na yegada di polis a bin constata un homber benta abao cu su cabes herida. Na e mes un sitio tambe den parkinglot di Holiday Inn a bin haya e persona cu a dal e otro gai den su cabes y lage benta abao . Polis a atende cu e situacion y a detene e persona y tambe ambulanse a bin na e sitio pa asina atende cu e herida di e victima. Segun informacion na e sitio ta parce cu nan ta dos conocier di otro pero uno lo a perde respet pa otro y a start un discusion mirando cu nan a falta respet pa otro. Esaki pues a conduci cu un di nan a dal e otro cu un piedra den su cabes. Uno a bay hospital y e otro a keda deteni.
