KRALENDIJK,Bonaire
Duana Hulanda Karibense ta interseptá droga na aeropuerto di Boneiru. Promé di yüli, Duana CN a topa ku un kantidat di narkótika serka un pasahero durante di un kontrol rutinario di pasahero i nan ekipahe den e sala di yegada di Aeropuerto Inetrnashonal Flamingo.
Durante di e kontrol, pa kua a uza e kachó narkótiko pa ku e maletanan, e kachó a reakshoná positivo riba e maleta di e sospechoso.
Despues di inspekshon mas profundo a topa ku un kantidat di mariwana riba kurpa di e sospechoso. Ta trata di e hòmber di inisial S.A.C.V. di 28 aña ku tabata riba un vuelo prosedente di Kòrsou.Despues di detenshon a pasa e sospechoso i e mariwana ofer pa Kmar pa investigashon mas aleu.