Biblioteca Nacional Aruba (BNA) ta invita un y tur pa su mercado grandi di buki segunda mano. Esaki ta habri otro siman di dia 3 pa dia 7 di augustus. Di 8:30 di mainta pa 4:30 di atardi. Esaki ta pa 1 siman so, na biblioteca publico na Playa. Por busca trankilamente pa e buki perfecto y por stock pa full aña. Biblioteca ta warda tur bishitante y amante di buki. Esaki ta un bon chens pa busca den un cantidad grandi di buki pa algo interesante y diferente. Tin tesoro sigur sigur! Bukinan ta bay na prijs di 1 florin pa buki. Tin algo pa tur gusto y interes. Pa mucha, hoben y adulto.
