E prome edicion di ‘Siman di Arte y Cultura’ den ‘Theater den Kurá di Skal’ tabata un exito rotundo. E ‘Siman di Arte y Cultura’ tabata bon bishita di parti di artistanan, organisacionnan cultural y publico. E programa a consisti di un oferta varia di musica, arte, pelicula y theater.
E siman tabatin como meta pa haci arte y cultura accesibel pa tur hende, trece hende hunto y stimula talento local. SKAL ke yuda organisacionnan y creadonan haña un publico nobo, y brinda hendenan creativo un oportunidad pa topa otro.
Un bista general di e Siman di Cultura
-Muziek di bari
E siman cultural a cuminsa cu un ‘jam sesion’ intimo bou di guia di Wesley ‘Wèwè’ Sint Jago. El a conta tocante historia tradicional di muziek di bari.
-Sip Paint
Bou di guia di Zahir Ilaria e bishitantenan por a pinta cuadro y DJ Jewel tabata encarga cu musica. Tabatin hopi famia y hoben presente na e actividad aki. Presencia di musica ‘live’ y e experencia conhunto espontaneo hasta durante transmision ‘live’ di e wega di bala di Corsou contra Jamaica a soru pa un ambiente vibrando y konectivo.
-Theater cu improvisacion
Reksel Engelhardt y su grupo tabatin un anochi cu improvisacion y humor na nan encargo.
Shete grupo di theater a haci un presentacion y miembronan di e gruponan a palabra cu nan lo keda den contacto cu otro.
-Pelicula ‘Nos ta Boneiro’.
E pelicula ‘Nos ta Boneiro’ di David Martinus a hala mas cu 100 bishitante. Despues di e pelicula a sigui un combersacion di ‘panel’ cu topiconan manera identidad y futuro di Boneiro. E publico tambe por a participa na e combersacion.
-Rol di SKAL
A clausura e siman di cultura na Biblioteca Publico Boneiro. Bou di guia di Dyoñna Benett y Ziran Chin-On e bishitantenan por a papia y duna feedback tocante rol di SKAL. Ta uza e ideanan cu a bini dilanti durante e sesion ‘Ban papia di Cultura’ como base pa e Maneho di Mas Aña di SKAL.
Resultadonan importante di e siman di cultura Durante e siman di cultura e metanan di SKAL cu a keda logra a surpasa tur expectativa. Mas cu 300 bishitante a participa na e actividadnan. Participantenan di diferente edad y background tabatin contacto cu otro. Seis Creado di theater y shete grupo di theater a haña un podio. E bishitantenan a haña informacion tocante tradicion di musica di nos isla.
SKAL ta gradici tur persona, organisacion y empresa pa nan aporte na e prome siman di cultura.
Press Release OLB Boneiro
