Na momento cu ta papia di re organisacion ta trata di hopi sacrificio y cambionan cu ta bin den un departamento. Tambe loke ta un realidad cu cambio ta bin cu hopi turbulencia, esaki ta algo normal cu ta pasa na momento cu tin cambio. Sinembargo ora cu ta keda focus pa e bienestar di brandweer completo y e ambtenaarnan ta logra cosnan grandi. Awe mainta oficialmente e edificio di post di brandweer na San Nicolaas ta keda entrega, pero tambe tur e 176 personal di brandweer lo estrena nan uniform nobo tambe. A cuminsa cu renobacion di post di San Nicolas prome, dispuesto sigui cu e otro post nan cu tambe mester di nan atencion. Tambe tin truck nan nobo nobo cu ta rumbo pa Aruba pa asina brandweer Aruba por sigui brinda e servicio cu e merece.
