E di 34 edishon di e “Ronde van Aruba” tabata unu eksitoso i lo pasa den historia komo e edishon mas grandi di tur tempu.
Un total di 813 partisipante a tuma parti na e eventu di korementu di 72 kilometer, prosedente di Aruba, Hulanda, i Inglatera. E evento deportivo mas grandi di Aruba, organisá pa Ofisina di Deporte di Kazérne di Marina Savaneta, a trese huntu un grupo diverso di partisipante e aña aki. Mas o ménos 30% di e partisipantenan tabata militar, miéntras ku 70% tabata konsistí di residentenan lokal i entusiastanan di deporte for di Hulanda i Inglatera.
E ruta ku hopi reto rònt di Aruba a brinda un kombinashon úniko di prestashion físiko i eksperensia insular. Tantu koredónan individual komo timnan a entregá aktuashonnan impreshonante den kondishonnan kayente i a wòrdu aploudí durante e trayekto pa sostenedornan.
“E kantidat record di partisipante ta mustra ku e “Ronde van Aruba” ta sigui krese komo un evento deportivo ku un konekshon social fuerte,” asina Jeffrey Wassenburg, Hefe di Ofisina di Deporte na Kazèrne di Marina Savaneta, a duna di konosé. “E kolaborashon entre forsanan armá, boluntarionan, i e kominidat di Aruba, un biaha mas a resultá den un evento sigur i eksitoso.”
