Inflacion na Aruba lo mantene su mes bou di e averahe mundial

Aruba su parti financiero ta delicado , pero cu e potencia y gana di recupera ta mira esaki tambe. E temporada prome cu COVID no tabata facil mirando cu e finansas publico tabata hopi delicxado caba di e tantisimo debinan cu a keda crea. 

Sinembargo asina cu COVID a presenta e situacion no a mehora pero a bira hopi mas dificil pa Aruba. Inflacion Den grafico 2 por tuma nota di e perspectiva di inflacion na Aruba compara cu otro paisnan. E proyeccion nan ta indica cu e inflacion na Aruba lo mantene su mes bou di e averahe mundial.

Pa e proximo añanan Gobierno di Aruba a delinea e siguiente normanan financiero pa por logra resultadonan financiero responsabel riba termino largo 2024 : saldo financiero di +1.0% di PIB (=surplus) 2027 : gasto di personal di 10% di PIB 2031 : quota di debe di 70% di PIB 2040 : quota di debe di 50% di PIB

Saldo financiero e saldo financiero pa e proximo añanan lo ser manteni na 1% surplus riba presupuesto cu e meta primordial pa reduci e debe di Pais Aruba. Presupuesto 2024 ta cumpli pa di dos biaha tras di otro cu e norma financiero di surplus di +1.0% di PIB

Gastonan di personal Gastonan di personal cu ta un di gastonan mas grandi di Gobierno, tambe conoce un norma. Den Presupuesto 2024, gastonan di personal ta wordo manteni bou di e 479 miyon florin cu ta e norma vigente. Gobierno di Aruba tin cu percura pa den aña 2027 e gastonan total di personal di Gobierno, Colegionan Halto di Estado, Departamento di Obra Publico y e institutonan subsidia, keda bou di e norma di 10% di PIB.