LocalFeatured

ELMAR: Evita cende klapchi cerca di wayanan di coriente di tension halto

Elmar Evita Cende Klapchi Cerca Di Wayanan Di Coriente Di Tension Halto

Tira klapchi y cende vuurwerk ta un forma popular pa celebra den e dianan aki na cas y durante eventonan special, pero e ta importante pa un y tur haci esaki den un forma responsabel y sigur. Un conseho di parti di ELMAR ta pa nunca cende vuurwerk of tira klapchi cerca di wayanan di tension halto.

Wayanan di coriente ta transforma y distribui electricidad di voltahe halto cu por ta peligroso si yega den contacto cu esaki. Si un klapchi cay riba un waya di coriente, e por ocasiona un descarga electrico cu por causa lesion grave y hasta morto. Ademas, klapchi por daña e wayanan di coriente y provoca un storing ora cu mas mester di coriente.

Pa garantisa siguridad di tur hende, e ta importante pa sigui tur instruccion di siguridad ora cu tira klapchi y cende vuurwerk. Esaki ta inclui lesa y sigui tur instruccion riba e pakete di klapchi, y mantene un distancia leu y sigur di wayanan di tension halto.

Ademas, e ta importante pa sigui tur ley y reglanan riba uzo di vuurwerk y klapchi. Por tin area cu tin reglanan mas estricto cu ta indica cu esaki ta totalmente prohibi.

Si tuma e precaucionnan necesario, nos por sigura cu nos celebracionnan di Aña Nobo lo por ta sigur y agradabel pa tur hende. Corda cu siguridad semper mester ta e prioridad ora cu ta tira klapchi. Gerencia y personal di ELMAR ta desea Pueblo di Aruba un Aña nobo yena cu Luz, Amor y Paz!

Related posts

Latinonan a forma parti di e progreso di Boneiro hunto cu e Bonerianonan pa varios aña

EA News Author

Hulanda a regala Colombia 4 miyon Euro pero no kier presta Aruba pa por sali di e situacion di COVID 19

EA News Author

Calmes” Mi no por bai ku asiento for di un partido ku ta di mi mes i no ta bèrdat ku direktiva a pidi mi asiento

EA News Author

Leave a Comment

Whatsapp Message