E siman akí departamento di Salubridat Públiko di Entidat Públiko Boneiru a hasi un investigashon di deposishon den e área direktamente rònt di e insinerador (fòrnu pa kima residuo) di Selibon. Ku esaki departamento di Salubridat Públiko ke investigá si den e área ei tin supstansianan tóksiko ku posibelmente a sali for di e insinerador di Selibon i/òf for di otro foko di kandela lokal i a resultá riba suela.
Nan ta midi na dos manera. Na promé lugá ta tuma muestra di stòf for di suela. Na di dos lugá ta
kolektá webu di galiña di den e bisindario akí. Pa komparashon lo tuma muestra di stòf i webu
for di otro bisindarionan di Boneiru tambe i tèst esakinan. Pa e investigashon akí a kontratá un eksperto independiente.
Adelantá a pone e habitantenan na altura i na final ta informá nan personalmente tokante resultado di e investigashon akí.
