E expresidente Argentino Carlos Menem (1989-1999) a fayece diadomingo, segun informacion confirma for di Sanatorio Los Arcos di e ciudad di Buenos Aires, unda e tabata interna desde 15 di december ultimo.
A traslada Menem inicialmente pa e hospital pa un control medico prostatico y unda a diagnostica cu e tin un infeccion urinario cu a cumplica su problemanan di curason.
Riba Nochebuena a pone den coma despues cu el a sufri un problema di fayo di su riñonnan hunto cu su delicado estado di salud caba. Aunke cu despues cu el a sali di coma, e tabata mustra bon.
Abogado di profesion, Menem tabata president den dos mandato sigui, di 1989 pa 1999, despues cu e tabata gobernadora di La Rioja, su provincial natal, entre 1973 y 1976 – aña den cual el a wordo deteni despues di e golpi di estado cu a caba cu e ultimo dictadura (1976-1983) – y atrobe desde 1983 te ora cu el a cuminsa su campaña presidencial pa e eleccionnan di 1989, cu el a gana.