Polis y ambulance a presenta na Bucutiweg 13 cu urgencia pa un persona cu a ser haya den cura benta abao cu no tabata mustra mucho bon. Na yegada di polis por a compronde cu un famia a bin haci bishita y a bin haya nan famia stima cu pa un motibo of otro a cay den cura y no tabata duna señal di bida. Ambulance a bin y traha cu ne pero no por a haci mucho mas pa e persona. Famianan a cuminsa yega na e cas y di e manera aki a uni mirando di e situacion cu nan a haya nan mes diasabra mainta di perdida di nan famia. Condolencia y forsa na e famianan.
