Fundacion Lanta Papiamento (FLP) tabatin e honor di por tene un reunion orientativo cu G297 na cas y hogar di famia Perna-Krosendijk den sala Glenda Beatriz (dfm). G297 ta un grupo di 4 experto di enseñansa cu hopi aña di experencia y nan ta sali na vanguardia di enseñansa. Na november 2021 nan a tene un presentacion na Minister di Enseñansa y duna su excelencia, den detaye con lo mehora calidad di enseñansa y di banda di FLP, cu tambe a reuni cu Minister di Enseñansa, a splica G297 su preocupacion pa e ultimo desaroyonan na Aruba y den Reino Hulandes. Un reunion orientativo hopi importante y di intercambio di informacion valioso. Proximamente FLP y G297 lo sigui reuni cu otro pa e.o. sigui amplia e red di colaboracion cu diferente gremio na Aruba y internacional pa enfoca riba e importancia di mantene Papiamento den enseñansa y percura pa salvaguardia e echo cu enseñansa ta un asunto di pais ARUBA. Na nomber di directiva di FLP un danki di curason na famia Perna-Krosendijk pa e amabilidad y cordialidad.
Fundacion Lanta Papiamento (FLP) a reuni cu G297
