Biblioteca Nacional Aruba a ricibi 2 ehemplar di e buki nobo titula ‘Wealthy wise woman: in zeven stappen naar financiële rust en zekerheid’ skirbi pa sra. Sandra Boekhoudt.
Sandra Boekhoudt tin un mision di yuda hende muhe logra pa ta financieramente independiente. Sandra Boekhoudt ta un specialista den Finance & Accounting, e ta casa y mama di dos yiu. Yiu di tera cu actualmente ta biba na Hulanda. Sra. Sandra a funda su compania ‘Wealthy Wise Women’ na 2015.
E buki ta un guia pa hende muhe yega na un bon maneho di su entrada / presupuesto, spaar placa, inverti, maneha debe y planifica su futuro a base di su condicionan y deseonan. E buki ta skirbi na Hulandes y pronto lo ta den circulacion na biblioteca. Un danki grandi na e escritora pa e bunita contribucion na biblioteca su coleccion di bukinan informativo.
